Dünya dolu ibrətdir, aqil nəyi öyrəndi?!
Var, zövq-səfa-işrət, cahil nəyi öyrəndi!
Var qan qoxuyan süfrə, zahirdə al-əlvandu,
Əlvanlığına baxdı, adil nəyi öyrəndi?!
Kəm elm oxuyan gördüm kamilliyə yetməzlər,
Kəm-kamilə gər baxdı, kamil nəyi öyrəndi?!
Bir yanda quru torpaq, bir yanda dəli ümman,
Azğın ləpələr döydü, sahil nəyi öyrəndi?!
Bir torpaq idi Adəm, can tapdı ələst*, sonra,
Habil nəyi öyrəndi, Qabil nəyi öyrəndi?!
Almaq, o, verən əldən saxlar aşağı dəsti*,
Gəl bir nəzər et ömrə, gör əl nəyi öyrəndi?!
İbrətlə Mühafiz, sən, yazdun bu qəzəl bitdi,
Zahir bu beytlərdir, daxil nəyi öyrəndi?!
1.Ələst (ə) – Bəşərin yaradılışının başlanğıcı
2.Dəst (f) – Əl
Mirhafiz M. Babayev (Mühafiz) Baku, 29. 06. 2024
