İŞİ
MİRHAFIZ BABAYEV
İşi, zamanı görərlər demə, sabahın işi,
Ömürü puç eliyər, sonradan o, ahın işi.
Düzə vaxtında qərarın uzaq edər, səhvi,
Yetişər mənzilə səndən ötər günahın işi.
Günəşin xasiyəti, verdi həyat yer üzünə,
Gecə aydınlığını göndərir, bu, mahın işi.
Nə qədər rəhməti vardır, bağışlayır Allah?!
Elə sə`y et, bəyənilməz olu xunxahın işi.
İçini sə`rinə yön tut, başın səlamət qıl,
Demə, hərarət üçün sə`y idi külahın işi.
Nümunə ol evinə, həm elinə yaxşılığa,
İşi həm rəhmət olubdur Rəsulüllahın işi.
Sözü kal söyləmə son səddi veribdir Allah,
Demə, busə və ğəza oldu bu şifahın işi.
İki üz vermiş İlahi, sifəti istər bir!
Bilir Mühafiz onu, tə`nədir rubahın işi.
